LUNGSOD NG SAN JOSE DEL MONTE, Bulacan — Inihayag ni re-electionist Senator Pia S. Cayetano sa harap ng libu-libong Bulakenyo na patuloy niyang isusulong kapag muling naluklok sa Senado ang kanyang matagal nang adbokasiya para sa mas matibay na pamilya, naa-access na pangangalagang pangkalusugan, at de-kalidad na edukasyon.
Sa isinagawang campaign rally ng Alyansa para sa Bagong Pilipinas sa San Jose del Monte City, Bulacan noong Friday (Feb. 28), tinalakay ni Cayetano ang mga naipasang batas na may direktang epekto sa pamilyang Pilipino.
Unang binanggit ng senadora ang Cheaper Medicines Law at ang Expanded Senior Citizens Act, na nag-alis ng VAT sa mga diskwento sa senior citizen.
“Mahigit isang dekada na nang ikinasa natin ang Cheaper Medicines Law. Dati tayo ang may pinakamahal na gamot sa Asia, ngayon karamihan sa mga maintenance drug ng ating mga senior citizen ay bumaba na ang presyo,” ani Sen. Cayetano.
Binigyang-diin din niya ang kanyang trabaho sa edukasyon, partikular na sa pagkuha ng pondo para sa Bulacan State University, na nakatanggap ng P100 milyon para sa College of Medicine program nito noong 2024 at pagpopondo para sa mga allied health programs noong mga nakaraang taon.
Bilang Senior Vice Chairperson ng Senate Committee on Finance, binanggit rin ng senadora na may inilaang budget sa ilalim ng Department of Health (DOH), Philippine Health Insurance Corporation (PhilHealth), at education sector para sa serbisyong pangkalusugan at de-kalidad na edukasyon.
Buong pagmamalaking inalala ni Senator Pia ang pinagmulan ng kanyang pamilya sa bayan ng Marilao, na ibinahagi kung paano naging isa ang kanyang lolo, na tubong probinsya, sa maraming nagbigay inspirasyon sa kanyang panghabambuhay na pangako sa serbisyo publiko.
Binuksan din ni Senator Pia ang tungkol sa kanyang mga personal na karanasan na humubog sa kanyang trabaho sa pampublikong kalusugan — mula sa pagkawala ng kanyang ama, ang yumaong Senador Rene Cayetano, hanggang sa kanser sa atay hanggang sa pagpanaw ng kanyang sariling anak na isinilang na may maraming congenital condition. Ang mga pangyayari sa kanyang buhay na nagbigay sa kanya ng determinasyon na itulak ang mga programa na aangkop sa bawat pamilyang Pilipino.
Bago matapos ang kanyang talumpati, pinangunahan ni Senator Pia, isang abogada at aktibong atleta, ang mga tao sa isang masayang squat exercise, na nagpapaalala sa lahat na ang mabuting kalusugan ay nagsisimula sa maliliit, pang-araw-araw na gawi.
“Ang kalusugan ay kayamanan aniya, na muling pinagtitibay ang kanyang pangako sa pagtatrabaho para sa kalusugan, edukasyon, at kinabukasan ng bawat pamilyang Pilipino,” dagdag pa nito. (UnliNews Online)
