MASAYANG-MASAYA ang mga Senior Citizens sa bayan ng Pandi, Bulacan, matapos na matanggap ng mga ito ang taunang Local Pension Payout 2025, para sa mga matatanda, kamakailan. Ang taunang proyekto ay pinamamahalaan ni Mayor Enrico Roque, ng bayang nabanggit, kasama si Vice Mayor Lui Sebastian at mga kawani ng Sangguniang Bayan ng Pandi.
Ika nga ni Mayor Roque, noong siya ay ating natanong hinggil sa nasabing gawain, “Isinaisip at isinagawa ko agad iyan, dahil nasa puso at mahal ko ang mga Senior Citizens ng ating Bayan. Katuwang ko sa gawaing ito ang Sangguniang bayan, sa pangunguna ni Vice Mayor Lui.”
Wika naman ng mga nakatanggap ng Local pension, “nakatutuwa, nakapagpagupit na ako ng buhok at may panggastos pa,” wika ni Arthur. Ayon naman kay G. Roberto Santos, Pangulo ng FSCAP, “ malaking tulong sa mga Senior Citizens na walang pinagkakakitaan, may pambili na ng gamot na kanilang kinakailangan. The best na Mayor na aking nakilala.”
Nakapanayam din natin si Gng. Eladia Raymundo ng OSCA, “ginagawa ang lahat ni Mayor, upang mabigyan ng kasiyahan ang mga Senior Citizens. Nakilala ang bayan ng Pandi dahil sa katalinuhang naitayo niya ang Amana Resort at sa kanyang maayos na pamamahala. Si Mayor Roque ay walang katulad, number one sa Pilipinas”
Tsk! Tsk! Tsk! Napakaganda at makabuluhang proyekto, ang kahalagahan ng pagbibigay ng taunang local pension sa mga senior citizens ay isang mahalagang sistema ng suportang pinansyal na nagpapataas ng kalidad ng buhay para sa mga matatandang residente. Tinutugunan ng inisyatibong ito ang mga hamon sa ekonomiya na kinakaharap ng mga nakatatanda, tinitiyak na mayroon silang access sa mga mahahalagang mapagkukunan tulad ng pangangalaga sa kalusugan, nutrisyon, at pabahay.
Sa pamamagitan ng pagbibigay ng mga pensiyon na ito, hindi lamang kinikilala ng lokal na pamahalaan ang mga kontribusyon ng mga nakatatanda sa komunidad, pinalalakas din nito ang pagkakapantay-pantay at pagkakaisa sa lipunan.
Mapapasigla ng programang ito ang mga lokal na ekonomiya, dahil malamang na gastusin ng mga nakatatanda ang kanilang mga pensiyon sa mga produkto at serbisyo sa loob ng bayan, sa gayon ay itinataguyod ang aktibidad sa ekonomiya at pagsuporta sa mga lokal na negosyo.
Sa pangkalahatan, ang mga ganitong hakbangin ay nagpapakita ng pangako sa kapakanang panlipunan at ang kapakanan ng mga mahihinang populasyon sa loob ng komunidad. “Tuloy-tuloy lang ang serbisyo,” wika pa ni Roque. Hanggang sa muli. (UnliNews Online)
