LUNGSOD NG MALOLOS — Magsisimula na ngayong araw (Agosto 28) ang paghahain ng certificate candidacy (COC).para sa 2023 Barangay at Sanguniang Kabataan Elections (BSKEs).
Sinabi ni Provincial Election Supervisor ng Bulacan Mona Ann Aldana-Campos na ang mga kandidato ay maaaring maghain ng kanilang COC mula 8:00 am-5:00 pm sa mga opisina ng kanilang mga election officer maliban sa mga may aprubadong pagbabago ng lugar.
Sa kabilang banda, sinabi ni Elmo Duque, Comelec assistant regional director at tagapagsalita ng Central Luzon, na mahigit 130 Comelec checkpoints, na may isang checkpoint bawat munisipalidad at lungsod ang itatatag sa buong rehiyon mula Agosto 28 hanggang Nobyembre 29 ngayong taon.
Sa isyu ng 24 na oras na checkpoint, ang oras at mga lugar kung saan ito itinatag ay maaaring mag-iba batay sa composite team (pulis at AFP) upang mapakinabangan ang pagiging epektibo nito.
Magpapatupad din ng gun ban sa nasabing panahon, dagdag ni Duque. (UnliNews Online)
