NUEVA ECIJA — Arestado sa naturang probinsya noong Huwebes (Sept. 7) ang isang umano’y miyembro ng Arnulfo Teves group ng mga hitmen at kasama sa listahan ng Most Wanted Person sa Negros Oriental.
Base sa nakarating na ulat kay Col. Richard Caballero, Nueva Ecija police director, ay kinilala ang suspek na si Richard Quadra na naaresto sa isang Manhunt Charlie Operation sa Barangay Sta Catalina, Talugtug, Nueva Ecija sa pamamagitan ng warrant of arrest sa kasong murder.
Napag-alaman na ang nadakip na suspek kasama ang limang iba pa, na kinabibilangan ni dismiss Rep. Arnulfo Teves, ay nahaharap sa kasong murder dahil sa serye ng mga pagpatay sa Negros Oriental noong 2019.
Nakuha ng mga awtoridad mula sa pag-aari ni Quadra ang isang 9MM caliber Smith at Wesson Model SW9C na baril na may magazine na may laman na 14 na bala. (UnliNews Online)
