LUNGSOD NG MALOLOS, Bulacan — Arestado ang kandidato sa pagka-kapitan ng barangay at apat na iba pa kabilang ang isang babae sa operasyon kontra iligal na droga sa Barangay Sumapang Bata sa nasabing lungsod Martes ng gabi (Oct. 10).
Sa nakalap na ulat ng UnliNews Online bandang alas-11:55 ng gabi ng ilatag ng mga operatiba ng Station Drug Enforcement Unit (SDEU) ng Malolos City Police Station ang isang buy-bust operation sa nasabing barangay na nagresulta ng lima katao kabilang ang tumatakbong kapitan ng barangay na pawang residente na naturang barangay.
Nakumpiska sa mga suspek ang 6 na plastic sachets ng hinihinalang shabu na tumitimbang ng 25 gramo at nagkakahalagang P170,000 bukod pa sa assorted drug paraphernalias at buy-bust money.
Dinala sa Bulacan Provincial Forensic Unit (PFU) ang mga naarestong suspek at mga nakumpiskang ebidensya para sa kaukulang pagsusuri, habang ang mga reklamong kriminal para sa mga paglabag sa R.A. 9165 laban sa mga suspek ay inihahanda na para sa pagsasampa sa korte.
Ang dedikadong pagsisikap ng pulisya ng Bulacan laban sa lahat ng uri ng kriminalidad ay naaayon sa patnubay ni Brig. Gen. Jose Hildago Jr., PRO 3 regional director. (UnliNews Online)
