LUNGSOD NG MALOLOS — Sa pamamagitan ng Tulong Panghanapbuhay para sa Displaced/Disadvantaged Workers o TUPAD ay muling nakatanggap ng halagang P5,000 ang may 289 na Malolenyo kamakailan.
Ang naturang programa ay mula sa pakikipagtulungan ng Department of Labor and Employment, Senator Bong Go at Pamahalaang Lungsod ng Malolos sa pamamagitan ng City Training and Cooperative Office-Employment Division.
Hangad ng programang ito ang magbigay ng pangsamantalang trabaho sa mga taong naapektuhan ng sakuna noong mga nakaraang taon.
Ilan sa mga taong nabigyang tulong ng programang ito ay ang mga Jeepney at Tricycle Drivers, mga vendors, mga carinderia owners at maging ang ilang mga senior Citizens na may kakayanan pang magtrabaho.
Dumalo naman at nagpakita ng suporta ang ilang kawani ng City Training Employment and Cooperative Office, Milo Mae Arevalo, Angeline Yu at Ella Marie Pahan ng DOLE, Marrianne DC..Mendoza, Employment Division Head, Assistant City Administrator Gerty Nicodemus Castro at Engr. Reynaldo S. Garcia CTECO Officer in Charge. (UnliNews Online)
