LUNGSOD NG MALOLOS — Opisyal ng pinasimulan ang pagbubukas ng ng taunang Federation of Tricycle Operators and Drivers’ Association of Malolos Bulacan Incorporated (FETODAMBI) Sports Fest 2024 pangunguna ng City Mayor’s Office Sports Division noong Lunes (July 15) sa Malolos Sports and Convention Center.
Ayon sa naging panayam kay Toti Villanueva, City Sports Director ng City of Malolos, umabot na 50 TODA team ang lumahok sa taunang summer league.
Dagdag pa ni Villanueva, ang programang ito ay naglalayong palakasin ang samahan ng mga TODA sa lungsod sa pamamagitan ng mga sports tulad ng chess, dama, dart at basketball na siyang gaganapin sa Malolos Sports and Convention Center.
Sa pagbubukas ng palaro, apat na Best Uniform Award ang nakamit ng mga team ng SP SITDA, Valmeña Toda, HHHMVW Toda, at CMBD TODA habang ang Best Muse Award naman ay nakuha nina Heart Gwyneth Ocampo ng MHPNHS TODA, Mhikyle Miranda ng MAMTODA, Judy Ann Chico ng PTODA, at Tameyra Stefani ng SATRIODA.
Ang mga naging hurado para sa mga gantimpalang ito ay ang mga panauhin na sina Jeff Patawaran, Ron Sanchez, at Coach Gelli Bulaong.
Ang ceremonial toss ay pinangunahan ng koponan ng BLCM Toda at Masa Toda kasama ang bumubuo ng Sangguniang Panlungsod na pinangungunahan ni Pangalawang Punong Lungsod Miguel Alberto T. Bautista, Konsehal John Vincent “JV” Vitug III, Kons. Michael Aquino, Kons. Abgdo. Niño Carlo Bautista, Konsehala Therese Cheryll “Ayee” Ople, Kons. Victorino “Troi” Aldaba III, at ABC President Jun Cruz na nakiisa sa programa.
Para sa karagdagang impormasyon, maaaring makipag ugnayan sa tanggapan ng Sports Division. (UnliNews Online)
