Ni Allan Casipit
MARILAO, Bulacan — Pinangunahan nina Senate Majority Leader Sen. Francis “Tol” Tolentino at sikat na influencer vlogger na si Rosmar Pamulaklakin Tan ang paghahatid ng tulong sa mga nasalanta ng bagyong Carina dito sa Barangay Lambakin sa nabanggit na bayan noong Miyerkules (July 31).
Hindi magkamayaw ang mga Marilenyo nang masilayan at madama ang bukal sa pusong paghahatid ng tulong ng masipag na senador kasama ang sikat na vlogger.
Namahagi ng food packs sina Sen. Tolentino, Rosmar at ang Team Malakas sa may 6,000 na indibiduwal na naging biktima ng kalamidad sa bayan ng Marilao partikular sa Barangay Lambakin.
Patuloy na tutulong ang butihing senador kasama ang sikat na influencer vlogger sa mga kababayang lubhang naapektuhan ng Bagyong Carina.
Bukod sa food packs, namahagi rin si Sen. Tol at Rosmar ng cash assistance at gadget sa ilang personalidad sa nasabing barangay. (UnliNews Online)
