KASALI ang movie ni Maris Racal sa Toronto Film Festival titled Sunshine. Pero, hindi makaka-attend ang young actress sa nasabing international filmfest.
Ang Sunshine movie ang nag-iisang Filipino film na nag-participate ngayong TIFF.
Kasalukuyang nasa Italy si Maris to shoot sa upcoming series nilang “Incognito”.
Gustuhin mang dumalo ng young singer/actress sa Toronto ay hindi na raw pupwede.
Ang paliwanag niya, “I made a committment kasi and this (‘Incognito’ shoot in Italy) is booked na way early this year. I appreciate naman the production and ABS-CBN, they really tried to move things around for me ‘cause they know how important TIFF (Toronto International Film Festival) is for me.
They really tried. They really tried to change the schedule but matagal na talagang naka-book ‘yung Italy.”
Dagdag pa ni Maris, “Doable naman sana kung sa Pilipinas lang ‘yung shoot, kaso sa Italy kasi ang daming madadamay na schedules, na-book na mga places.”
Ang nakakasama pa raw ng loob, natanggap na niya ang kanyang passport nung araw ding yun of her Italy flight with Canadian visa approval.
“My visa got approved kaninang umaga (September 10). Heartbreaking. But it’s not about me naman eh, the important thing is there is a Filipino movie na kasama sa TIFF 2024. Direk Tonet (Jadaone) will be there. I’ll be there in spirit. Beaming with pride, I’m in Italy to support them.”
Alam naman ng lahat na kagagaling lang ni Maris sa heartbreak, aniya, “I’ve moved on. Ang dami ko nang naiyak, I’m like okay lang ako.”
Ang TIFF ay isa sa top five international movie festivals na ginagawa globally. And Racal knew how big this opportunity is and how this can open a lot of doors for her.
“I heard na sold out na lahat ng tickets. Thankful ako, excited ako sa mga reaction ng mga tao,” wika niya.
Ayon naman sa director ng movie na si Antoinette Jadaone, wala pa raw plano for promo executions for Sunshine na-surprise na lang daw sila nang lumabas ang trailer last August 30.
Overwhelmed naman si Racal sa mga natanggap niyang reaction.
“Hindi ko in-expect na ganun ‘yung pagka-accept ng trailer. A tear fell.
Sobrang natuwa ako, kasi ang daming lumabas na tao na they were rooting for you since day one. Thankful din ako for Direk Tonet for trusting me with this huge responsibility. Hindi biro ‘yung role na ‘yun.”
Nung shinushoot daw niya ang Sunshine ay kasabayan din ng pagshoot niya ng Can’t Buy Me Love.
“I was shooting that while shooting ‘Can’t Buy Me Love.’ There are days talaga na lutang na ko. But everything was really worth it. Literal na blood, sweat and tears upon making the film. I’m so happy na mapapanood na siya ng mundo.”
Aside sa Incognito may MMFF movie entry din si Maris, ang And the Breadwinner is…’ with Vice Ganda kung saan nasa kalagitnaan na raw sila ng pagshushoot with director Jason Paul Laxamana.
Kasama rin sa movie ang kanyang kaloveteam na si Anthony Jennings.
How do they do it?
“Tulungan lang talaga. We lift each other up,” ani Racal.
“Sobrang daming binibigay na blessings sa amin. Sobrang saya lang na na-a-apply na namin ‘yun sa work namin, kasi nag-a-acting workshops kami,” saad naman ni Anthony. (UnliNews Online)
