LUNGSOD NG SAN JOSE DEL MONTE, Bulacan — Upang maibsan ang mga pasanin ng mga Pilipino, pabor at sumasangayon si Senador Francis Tolentino sa panukala na 12% value-added tax (VAT) eksempsyon sa mga serbisyo sa kuryente at internet.
Ito naging pahayag ni re-electionist Senator Francis Tolentino sa isinagawang press conference sa Hotel Savano bago ang campaign rally ng senatorial slate ng administrasyon na Alyansa Para sa Bagong Pilipinas nitong Friday (Feb. 28) sa Lungsod ng San Jose Del Monte, Bulacan.
Ayon pa sa senador, inihain niya ang Senate Bill No. 2970 para mapababa ang halaga ng kuryente sa Pilipinas, na kabilang sa pinakamahal sa rehiyon habang ang Senate Bill 2699 kung saan magkakaroon ng Internet load discount ang mga estudyante ay kapapasa upang maging gnapa na isang batas lang ngunit hindi pa napipirmahan ng Pangulo.
Nagbabala siya na ang mataas na mga gastos sa kuryente ay maaaring makapagpabagal sa paglago ng ekonomiya at kahit na mag-ambag sa deindustrialization.
Samantala, sinabi ni Tolentino na ang pag-alis ng VAT sa mga serbisyo sa internet ay magpapahusay sa digital inclusion at magpapalakas sa partisipasyon ng bansa sa global digital economy.
“Habang mas maraming paaralan ang lumilipat sa online na pag-aaral at ang mga negosyo ay nagpapatuloy sa malayong mga kaayusan sa trabaho, ang maaasahan at abot-kayang mga serbisyo ng kuryente at internet ay naging mas mahalaga,” sabi niya.
“Ang pag-alis ng VAT sa mga serbisyong ito ay makakatulong na matiyak ang higit na accessibility at economic resilience para sa mga Pilipino.”
Sa naging mensahe naman ni Sen. Tolentino sa campaign rally ng Alyansa Para sa Bagong Pilipinas na ginanap sa City College of San Jose del Monte grounds sa Barangay Minuyan, inulat ng senador sa harap ng libu-libong San Joseño, na siya ang nagsulong ng “Three Gives Law” kung saan noong pandemic ay hulugan nating binabayaran ang ating mga dues sa tubig, Internet at kuryente. Sa kasalukuyan naman ang isinusulong ko sa Senado ay programang “LITAW” o Liwanag, Internet, Tubig, Assistance Welfare at ang mabebenipisyuhan nito ay ’yung mga dumaan sa kalamidad na hindi muna magbabayad ng kuryente at ang magbabayad ay ang LITAW.
“Malapit na itong maging batas at hinihintay ko na lang ay ang pirma ng Pangulo Bongbong Marcos upang itong batas ay maipatupad na,” dagdag pa ni Sen. Tolentino.
Naipasa na rin umano ng senador ang Senate Bill 2966 kung saan ang lahat ng estudyante sa elementarya, high school at college, private man o public school ay magkakaroon na ng 20% discount sa Internet load.
Sa mga mangingisda naman ay naisabatas ni Sen. Tolentino ang “Sea Lanes Law” na kung saan doon lang dadaan ang mga malalaking barko para maisawasan ang mga aksidente at ang batas na angkop sa mga riders at ang mga nagda-drive ng motorsiklo, ang “Doble Plaka Law” o pag-aalis sa probisyon sa batas na nagmamandato sa mga motorsiklo na magkaroon ng dobleng plaka o isang plaka sa harap at isang plaka sa likod.
“Ngunit ang pangarap ko lahat ng mga riders ay magkaroon ng sariling PhilHealth, SSS, 13th month Pay at overtime pay kung saan sila nagtatrabaho,” ani ng senador.
Napakahirap ng trabaho sa Senado, ani Sen. Tolentino, subalit kung tutulungan ninyo kaming lahat bilang bahagi ng Alyansa, hindi lang gagaan ang aming tungkulin, gagaan din ang tungkulin ng ating Pangulo sa pagpapatakbo niya ng ating minamahal na republika.
“Muli, sa lahat ng Tol sa San Jose del Monte, No. 61 sa balota sa darating na lekesyon sa Mayo,” pagtatapos ng masipag na senador na maasahan at masasandigan ng mga Pilipino. (UnliNews Online
