CAMP OLIVAS, Pampanga – Arestado ng pulisya ang isang umano’y miyembro ng international drug syndicate na nag-ooperate sa Central Luzon at mga kalapit na lalawigan sa inilatag na anti-illegal drug operation noong Linggo (Aug. 6) sa Barangay Balite, City of San Fernando, Pampanga.
Kinilala ni Police Regional Office 3 director Brigadier General Jose Hidalgo Jr. ang suspek na si Philip Craig Joseph, 53, British national at pansamantalang naninirahan sa Angeles City.
Sinabi ni Hidalgo na ang Filipino cohort ng suspek na kinilalang si Duane Bariso Manuel, 45, ng Angeles City ay naaresto rin sa isinagawang drug bust ng magkasanib na operatiba ng Pampanga Provincial Drug Enforcement Unit, Pampanga Provincial 1st Mobile Force Company at City of San Fernando Police Station.
Matapos kumpirmahin sa Philippine Drug Enforcement Agency (PDEA) ang pagkakasangkot nina Joseph at Manuel sa iligal na droga, agad na nag-utos si Hidalgo ng entrapment operation para madakip ang mga suspek.
Hindi naman nanlaban ang dalawa sa pag-aresto ng mga pulis matapos matanggap ang P1,000 marked money mula sa isang undercover agent kapalit ng isang sachet ng shabu.
Agad na nagsagawa ng masusing paghahanap sa loob ng sasakyang Honda Civic (WHT-366) na ginamit ng mga suspek sa kanilang iligal na pakikipagkalakalan ng droga at nasamsam ang 12 heat-sealed transparent plastic sachet na naglalaman ng hinihinalang shabu na humigit-kumulang 65 gramo ang bigat at tinatayang may street value na aabot sa P442,000.
Bukod sa kotse, nakuha rin ng mga pulis sa mga suspek ang P1,000 marked money na ginamit sa buy bust, isang gray na pouch, at isang Samsung phone.
Nakadetine sa kasalukyan ang mga suspek sa District Jail ng City of San Fernando matapos ang pagsasampa ng kasong paglabag sa Section 5 at Section 11 ng Republic Act No. 9165 sa korte.
Ayon pa kay Hidalgo na patuloy ang isinasagawang operasyon habang pinalalakas ng Central Luzon police ang pagsisikap na mapuksa ang paglaganap ng iligal na droga upang makamit ang drug-free region. (UnliNews Online)
-
PGB celebrates crowning of Sto. Niño de Malolos as ‘Principe ng Bulacan’
CITY OF MALOLOS – In an event spirited by faith and local pride, the Provincial Government of Bulacan, under the leadership of Governor Daniel R. Fernando, proudly hosted the “Sto. Niño de Malolos: Conferment and Crowning of Sto. Niño de Malolos as ‘Principe ng Bulacan’” at The Pavilion, Hiyas ng Bulacan Convention Center recently. This…
-
PBBM leads groundbreaking of P80-million OFW Hospital Extension in Pampanga
CITY OF SAN FERNANDO, Pampanga — President Ferdinand “Bongbong” Marcos Jr. led the groundbreaking ceremony for the construction of the Overseas Filipino Worker (OFW) Hospital and Diagnostic Center Extension Building on Tuesday (Dec. 10) in Sindalan. The P80-million project involves the construction of a three-storey facility that, once completed, will expand the medical services offered…
-
Bulacan receives recognition from ECCD Council
CITY OF MALOLOS — Another honor, manifesting the commitment of the Provincial Government of Bulacan under the leadership of Governor Daniel R. Fernando to championing the development of young children, has been bestowed to the province. The Early Childhood Care and Development (ECCD) Council awarded the Province of Bulacan with a plaque of recognition for…
