OLONGAPO CITY – Dead on arrival ang apat na katao nang “sumaksak” ang sinasakyan nilang kotse sa unahan ng isang 10-wheeler dump truck sa kahabaan ng highway sa Barangay New Cabalan dito noong Linggo ng gabi (Nov. 12).
Kinilala ng mga imbestigador ng pulisya ang mga nasawi na sina Renz Tiu, Veronica Ng, Romnick Tiu, at Carlo Esguerra, na pawang nagtamo ng matinding pinsala sa ulo at katawan.
Hindi naman nasaktan ang driver ng dump truck ngunit nasa kustodiya na ng pulisya
Batay sa inisyal na imbestigasyon, sakay ang mga biktima ng Toyota Camry (XPR 424), minamaneho ni Tiu, at patungo sa Olongapo City mula Mariveles, Bataan kung saan dumalo lamang sila sa wedding proposal ng isang kamag-anak.
Nang makarating ang sasakyan sa matulis na kurbada na bahagi ng zigzag road sa kahabaan ng Jose Abad Santos Avenue, isang dump truck (CAK 1460) na minamaneho ni Domingo Faelanca Firmo, 56, ng Marilao Bulacan, ang bumangga sa kanila dakong alas-8 ng gabi.
Ang kotse ay napunta sa ilalim ng trak, na naging dahilan upang mahirap makuha ang mga bangkay ng mga biktima.
Ang mga biktima ay idineklarang dead on arrival ng mga doktor sa James L. Gordon Memorial Hospital.
Ayon sa ulat ng pulisya, sinabi ni Firmo na ang trak ay ginagamit sa mga operasyon ng pagmimina sa Zambales, at ibabalik ito sa may-ari nito sa Maynila.
Inamin din niya na may sakit siya nang mangyari ang aksidente, dagdag pa ng ulat. (UnliNews Online)
